İsmayıllıda yeni DVB-T verici istismara verilib

Ölkə ərazisində DVB-T rəqəmli televiziya yayımı sisteminin tətbiqi genişləndirilir.

Rabitə və İnformasiya Texnologiyaları Nazirliyinin  “Teleradio” İstehsalat Birliyinin yaydığı məlumata görə, İsmayıllı rayonunun  Vaşa və ətraf kəndlərində (Dvoryan, Mulux, Mücü,  Müdrü, Müdrisə, Namazgah, Nanıc, Qoydan, Əhən, Ərəkit, Lahıc, Yucarı Cülyan, Ximrankənd)  əhalinin keyfiyyətli yayımla təmin olunması üçün adıçəkilən birliyə məxsus Vaşa RTS-də Litvanın “Vigintos Elektronika”  şirkətinin istehsalı olan 300 Vt-lıq yeni DVB-T vericisi quraşdırılaraq  istismara verilib.

Bunun nəticəsi olaraq region əhalisi “AzTV”, “İdman Azərbaycan”, “Mədəniyyət TV”, “İTV”, “ANS”, “Lider”, “Space”, “ATV”,  “Xəzər”, “TRT”, “Kanal D” və “ORT”  kanallarından ibarət sosial paketi izləmək imkanı əldə ediblər.

CAHANGİR

---