Qızıl “Galaxy S4” istehsal ediləcək

"Samsung" şirkəti qızıl rəngli korpusla təchiz edilmiş "Galaxy S4" smartfonunu istehsal edəcək. Bu barədə "Samsung"un Birləşmiş Ərəb Əmirlikləri üçün mikrobloqunda deyilib.

"ICTnews" elektron xəbər xidməti "lenta.ru" saytına istinadən bildirir ki, aparatın iki variantı təqdim ediləcək: "çəhrayı-qızıl" (Gold Pink) və "qəhvəyi-qızıl" (Gold Brown). Onların üz paneli müvafiq olaraq çəhrayı və ya qəhvəyi rəngdə, yan tərəfləri isə qızıldan olacaq.

Şirkət qurğuların çıxarılma tarixini açıqlamayıb.

Emil Hüseynov
 

---