İstifadəçilər şəxsi məlumatlarını hansı yolla qoruyur?

“Laboratoriya Kasperskoqo” şirkətinin bütün dünya üzrə bu ilin yayında apardığı araşdırmalar nəticəsində məlum olub ki, təkcə Rusiyada son 12 ay ərzində hər dördüncü istifadəçi fərdi rəqəmli qurğuların, o cümlədən smartfonların və planşetlərin itirilməsi, oğurlanması və zədələnməsi halları ilə üzləşib. Qurğularla birgə istifadəçilərin fərdi məlumatları da ömürlük itirilir.

Sorğu nəticəsində məlum olub ki, rusiyalıların 22%-i bildirib ki, son 12 ay ərzində qeyd edilmiş hadisələrdən biri baş verib. 17% halda qurğuların nasazlığı halları qeydə alınır. Sorğu göstərib ki, fərdi mobil qurğular vacib məlumatların saxlanılması üçün aktiv istifadə edilir. Smartfon istifadəçilərinin 87%-i, planşet istifadəçilərinin 84%-i  qajetlərində şəxsi şəkil və video saxlayırlar, müvafiq olaraq istifadəçilərin 43%-i və 51%-i qurğularında fərdi elektron poçt məlumatlarını  qoruyurlar.

İstifadəçilərin 18% və 16%-i müvafiq olaraq qurğularında sosial şəbəkələrdə fərdi akkauntlarının və elektron poçt qutularının parollarını saxlayırlar. Bir çox hallarda smartfon və planşetlər şəxsi məlumatları saxlamaq ilə yanaşı, işgüzar yazışmaları saxlamaq üçün (30% smartfon və 36% planşet sahibləri), iş sənədlərini saxlamaq üçün (27% və 42%) istifadə edilir. Maliyyə məlumatlarını, o cümlədən internet- bankinqdən istifadə etmək üçün parolları istifadəçilərin 13% və 7%-i saxlayır. 


Beləliklə, mobil qurğuların itirilməsi bir çox hallarda nəinki şəxsi, o cümlədən işgüzar həyatda da problemlər yarada bilər.
Belə halların qarşısını almaq üçün effektiv proqram təminatlarından istifadə etmək tövsiyə edilir.
Aynur Vəliyeva

---