“Elektron hökumət” portalına yeni elektron xidmətlər əlavə edilib

 
Səhiyyə Nazirliyinin 6 yeni elektron xidməti “Elektron hökumət” portalına inteqrasiya edilib. “ICTnews” elektron xəbər xidmətinin məlumatına görə, portal vasitəsilə təqdim olunan bu xidmətlərə “Yeyinti məhsulları üzərində “müalicəvi”, “pəhriz” və onlara bərabər tutulan adların verilməsi və reklam xarakterli digər məlumatların etiketdə yerləşdirilməsinə icazə məktubunun verilməsi”, “Gəminin (daxili sularda üzən gəmilər üçün) sanitariya nəzarətindən azad edilməsi haqqında şəhadətnamənin verilməsi üçün müraciətin və sənədlərin qəbulu”, “Dərman vasitələrinin və dərman maddələrinin dövlət qeydiyyatı şəhadətnaməsinin verilməsi üçün müraciətin və sənədlərin qəbulu”, “Üzmə hüququ üçün gəmi (daxili sularda üzən gəmilər üçün) sanitariya şəhadətnaməsinin verilməsi məqsədi ilə müraciətin və sənədlərin qəbulu”, “Qida məhsullarının daşınmasına icazə verən sanitariya pasportunun verilməsi üçün müraciətin və sənədlərin qəbulu”, “Mehmanxana və mehmanxana tipli obyektlər üçün sanitariya pasportunun verilməsi üçün müraciətin və sənədlərin qəbulu” daxildir.

Qeyd edək ki, ümumilikdə “Elektron hökumət” portalında səhiyyə sahəsinə dair 24 elektron xidmətdən yararlanmaq imkanı yaradılıb.

CAHANGİR
 
 
 

---