Poçt mübadiləsində yenilik

İyul ayının 1-dən etibarən Bakı şəhərində poçtun mübadiləsinin “Azərpoçt” MMC-nin Poçtun Daşınması Mərkəzi (PDM)tərəfindən həyata keçirilir. Bu barədə İCTNewsə məlumat verən Rabitə və İnformasiya Texnologiyaları Nazirliyinin poçt sektorunun rəhbəri Novruz Məmmədov bildirib ki, yeniliyin tətbiqi poçtun bir mərkəzdən olmaqla şəhərin bütün şöbələrinə daha operativ, itkisiz çatdırılması ilə yanaşı bir mərkəzdə elektron qeydiyyatının həyata keçirilməsinə şərait yaradacaq.
Qeyd edək ki, indiyədək Bakının poçt filialları özləri poçt göndərişlərini PDM-dən götürüb tabe poçt şöbələrinə paylayırdılar.

---