“USB 3.0” fləş-yığıcılara tələbat azalıb

2013-cü ildə “USB 3.0” interfeysli fləş-yığıcılara tələbat kifayət qədər aşağı olub. “USB 3.0” interfeysli qurğuların baza payı 10% təşkil edib. Analitiklərin gözləntilərinə əsasən, 2014-cü ildə bu göstərici 20-25%-dək artmalıdır.

“ICTnews” elektron xəbər xidməti “3dnews.ru” saytına istinadən bildirir ki, analitiklərin proqnozlarının özünü doğrultması USB 2.0 və USB 3.0 interfeysli fləş-yığıcılar arasında olan qiymət fərqindən asılı olacaq. Bu fərq böyük olsa, o zaman “USB 3.0”-ə kütləvi keçid baş tutmayacaq.

Emil Hüseynov
 

---