"İnvestisiya layihələrinin maliyyələşdirilməsi ilə əlaqədar elektron idarəetmə sistemi" mövzusunda treninq keçirilib

Bakıda "İnvestisiya layihələrinin maliyyələşdirilməsi ilə əlaqədar elektron idarəetmə sistemi" mövzusunda treninq keçirilib.
 
Bakı Biznes Tədris Mərkəzinin (BBTM) və Sahibkarlığa Kömək Milli Fondunun birgə təşkilatçılığı ilə Mərkəzin əməkdaşları üçün reallaşdırılan kursun məqsədi BBTM-in Bakı şəhərində və regionlarda keçirdiyi maarifləndirici tədbirlər üçün təlimçilərin hazırlanmasıdır.
Tədbirdə mövzuya dair təqdimat keçirilib, elektron idarəetmə sisteminin mahiyyəti və üstünlükləri, sistemdən istifadə qaydaları, həmçinin sistemin vaxt itkisinin qarşısının alınmasında, izafi xərclərin aradan qaldırılmasında, bu sahədə sənəd dövriyyəsi prosesinin daha sürətli, təhlükəsiz və elektron formada həyata keçirilməsində əhəmiyyəti barədə ətraflı məlumat verilib.
 
Tədbir çərçivəsində iştirakçılara Bakı Biznes Tədris Mərkəzi tərəfindən hazırlanmış metodiki vəsaitlər paylanıb, onları maraqlandıran suallar cavablandırılıb.
 
SEYMUR
 
 

---