Britaniyalılar hər gün cihazlarına dörd saat vaxt sərf edirlər

“The Financial Times” nəşri “Conlumino” şirkəti üçün tədqiqata istinad edərək Böyük Britaniya sakinlərinin gündə öz cihazlarına dörd saat vaxt sərf etdiklərini yazıb. 2008-ci ildə britaniyalılar smartfon, planşet və kompüter arxasında gündə üç saat vaxt keçiriblər.

“ICTnews” elektron xəbər xidməti “gazeta.ru” saytına istinadən bildirir ki, bu vaxtın təxminən 33%-i planşetlərə sərf olunur ki, bu da istehlakçı marağının mobil qurğulara doğru dəyişməsinə sübutdur.
İstifadəçilər əksər hallarda planşetlərdən internet üzərindən alış-veriş, elektron kitab oxumaq üçün deyil, oyunlar üçün istifadə edirlər.

Emil Hüseynov

---