Qubada “DVB-T2” standartlı çoxproqramlı rəqəmli televiziya paketlərinin kommersiya yayımına başlanılacaq

“Teleradio” İstehsalat Birliyi respublikada ilk dəfə olaraq, Quba rayonunda “DVB-T2” standartlı çoxproqramlı rəqəmli televiziya paketlərinin kommersiya yayımını həyata keçirməyi planlaşdırır.

Birliyin yaydığı məlumata görə, kommersiya yayımının həyata keçirilməsi nəticəsində Quba rayonu və ətraf ərazilərin (Qusar, Xaçmaz, Dəvəçi r-nu və s.) əhalisi Azərbaycan, Rusiya, Turkiyə və digər ölkələrin kiçiklər və böyüklər üçün nəzərdə tutulmuş 70-dən çox müxtəlif televiziya proqramını izləmək şansı əldə edəcəklər.

Qeyd edək ki, istifadəçi sayının artırılması üçün kommersiya yayımının qiyməti əhalinin sosial durumuna nəzərən uyğunlaşdırılacaq.

CAHANGİR

---