Gömrük ödənişlərinin ödəyicisinin eyniləşdirmə nömrəsini elektron qaydada necə əldə etmək olar?

Dövlət Gömrük Komitəsinin "Elektron hökumət" (www.e-gov.az) portalı vasitəsilə vətəndaşlara təqdim etdiyi e-xidmətlər sırasında "Gömrük ödənişlərinin ödəyicisinin eyniləşdirmə nömrəsinin alınması" xidməti yer alır.
Məlumat Hesablama Mərkəzindən verilən məlumata görə, bu xidmət vasitəsilə qeydiyyatdan keçmiş hər bir istifadəçi öz FİN kodu əsasında fərdi məlumatları və Gömrük Ödənişlərinin Ödəyicisinin Eyniləşdirmə Nömrəsini (GÖÖEN) əldə edə bilər.

Bunun üçün DGK tərəfindən təqdim olunan e-xidmətlər siyahısından "Elektron hökumət" portalı vasitəsilə vətəndaşlara təqdim olunan e-xidmətlər arasında "Gömrük ödənişlərinin ödəyicisinin eyniləşdirmə nömrəsinin alınması" xidmətinin adını seçmək lazımdır: "Açılan formanın içində yalnız fiziki şəxs öz FİN kodu əsasında gömrük ödənişlərinin ödəyicisinin eyniləşdirmə nömrəsi və ona aid olan fərdi məlumatlar: soyadı, adı, ata adı, GÖÖEN-i, doğulduğu tarix, ünvanı, şəxsiyyət vəsiqəsinin nömrəsi və verilmə tarixi, qeydiyyat tarixi və s. əks olunacaq".

Əgər istifadəçi həmin məlumatları öz kompüterində yadda saxlamaq istəyirsə, "PDF" düyməsindən istifadə edə bilər. İstifadəçi məlumatları "PDF" formatında yadda saxlaya və ya elektron poçt vasitəsilə e-mail şəklində istənilən ünvana göndərə bilər.

CAHANGİR