“Chromebook” qurğularına tələbat artır

Bayramqabağı satış mövsümündə “Chromebook” qurğuları “Amazon” internet mağazasında populyar olub. "Noutbuk" kateqoriyasında satışların həcminə görə “Chrome OS”  qurğuları birinci yerdə qərarlaşıb.

“Amazon” internet-mağazasının nümayəndələri qeyd edib ki, “Samsung Chromebook”, “ASUS Transformer Book” və “Acer Chromebook” ən çox satılan modellər olublar. “Samsung Chromebook” noutbukunun qiyməti 192 dollar, “Acer Chromebook”da isə 199 dollar təşkil edir.

“ICTnews” elektron xəbər xidməti “itc.ua” saytına istinadən bildirir ki, “Chromebook” qurğularına yüksək tələbat onların qiyməti ilə izah olunur.

Emil Hüseynov

---