ARDNŞ strategiyasında İKT-nin inkişafı nəzərdə tutulub

Azərbaycan Respublikası Dövlət Neft Şirkətinin (ARDNŞ)  2025-ci ilədək fəaliyyətinin uzunmüddətli strategiyasında informasiya və kommunikasiya texnologiyalarının inkişafı nəzərdə tutulub. Bu barədə ARDNŞ-nin iqtisadi məsələlər üzrə vitse-prezidenti Süleyman Qasımov bildirib. Onun sözlərinə görə, yüksək səviyyədə hazırlanan və çoxşaxəli istiqamətləri özündə birləşdirən strategiyada eyni zamanda bütün istiqamətlər üzrə həyata keçiriləcək tədbirlər də öz əksini tapıb.

    ARDNŞ ölkədə neft məhsullarının yeganə istehsalçısıdır (balansında iki NEZ-ə malikdir), eləcə də Azərbaycanda, Gürcüstanda və Ukraynada yanacaqdoldurma məntəqələrinə malikdir. ARDNŞ Türkiyənin ən iri neft-kimya kompleksi olan "Petkim"in ortaq sahibidir. Özünün ticarət bölməsi olan "SOCAR Trading" şirkəti vasitəsilə dünyanın müxtəlif regionlarında neft ticarəti həyata keçirir.

RƏVAN
 

---