Regionlarda yeni korporativ üslubda poçt şöbələri tikiləcək

"Azərpoçt" MMC regionlarda yeni korporativ üslubda poçt şöbələrinin tikintisini planlaşdırır. Bu məsələ bank və maliyyə xidmətlərinin göstərilməsindən sonra daha aktual olub.
 
Göygöl rayon Poçt filialının rəisi Müşfiq Ələkbərov bildirib ki, poçt şöbələrinin bu xidmətləri göstərməsi üçün monitorinqlər aparılıb və yekun rəyə görə, rayonun Topalhəsənli, Balçılı, Xaqani  kəndlərində müasir üslubda poçt şöbə binalarının tikilməsi nəzərdə tutulub.
 
Hazırda poçt filialının bütün poçt şöbələrində bank və maliyyə xidmətlərinin göstərilməsi təmin olunub.

RƏVAN

---