“Foxconn” zavodu istehsalı bərpa edib

“Apple” şirkətinin təchizatçısı “Foxconn Technology Group” bu gün zavodun bir hissəsinin açıldığını elan edib.
Xatırladaq ki, 10 gün əvvəl bu zavodda partlayış olmuş və 3 işçi həlak olmuşdu.
Hazırda Foxconn “Apple” üçün hazır məhsulun əsas təchizatçısı sayılır. Onun zavodlarında iPhone smartfonları istehsal edilir. Partlayış olan sexdə iPad planşetlərinin quraşdırılması aparılır.
İlkin məlumatlara əsasən, partlayış məhsul nümunələrinə yanar tozun tullanması nəticəsində olub.
Foxconn hələ ki rəsmən araşdırmanın nəticələrini şərh etmir.

---