“Skype” internet telefoniya xidmətinin populyarlığı artır

Telekommunikasiya sahəsində araşdırmalar üzrə ixtisaslaşmış “TeleGeography” şirkəti “Skype” internet telefoniya xidmətinin populyarlığının artım tempini qeydə almağa davam edir.
 
2013-cü ildə “Skype”ın köməyi ilə həyata keçirilmiş beynəlxalq zənglərin ümumi müddəti 214 milyard dəqiqə təşkil edib ki, bu da 2012-ci illə müqayisədə 26% çoxdur.
 
Bundan başqa, beynəlxalq zənglər ötən il dünyada həyata keçirilmiş bütün beynəlxalq zənglərin ümumi müddətinin təxminən 40%-ni təşkil edib. Başqa sözlə, abunəçilərin bütün dünyada mobil və stasionar telefonların köməyi ilə beynəlxalq zənglərə sərf etdikləri hər 10 dəqiqənin 4 dəqiqəsi “Skype”ın payına düşüb.
 
Beynəlxalq telefon trafiki həcminə görə “Skype” internet telefoniya xidmətinin trafikini ötsə də, sonuncunun artım sürəti son dərəcə yüksəkdir. “TeleGeography” şirkətinin məlumatına görə, ötən ildə “Skype”ın beynəlxalq trafiki 54 milyard dəqiqə artıb.
 
Məlumat mübadiləsi üçün “Skype” və “WhatsApp”, “Facebook Messenger”, “Viber” və başqa alternativ proqramların populyarlığının artmasına baxmayaraq, mütəxəssislər əmindirlər ki, telekommunikasiya qovşaqları (TSOP) çətin ki, yaxın gələcəkdə öz fəaliyyətinə son versin.
 
"Heç bir şəbəkə əhatə miqyasına görə telekommunikasiya qovşağı ilə müqayisə edilə bilməz. Məsələn, 2013-cü ilin sonunadək “Facebook” sosial şəbəkəsində aylıq təxminən 1,2 milyard istifadəçi olubsa, o zaman  mobil və stasionar rabitə istifadəçiləri daxil olmaqla TSOP abunəçilərinin sayı 8 milyardı ötüb" – “TeleGeography” şirkətinin analitiki Stefan Bekert deyib.
 
Emil Hüseynov

---