“Samsung” şirkəti yeni smartfonunu təqdim edib

“Samsung” şirkəti “Galaxy Grand Neo” smartfonunu buraxıb. Model artıq Avropa ölkələrinin mağazalarında 260 avroya satılır.
 
“ICTnews” elektron xəbər xidməti “tech.onliner.by” saytına istinadən bildirir ki, aparat 5 düymlük 480×800 piksel təsvir ölçülü ekran, 1,2 QHs takt tezlikli dördnüvəli prosessor, 1 QB əməli və 16 QB daxili yaddaş, “microSD” slotu, 5 meqapiksel təsvir ölçülü kamera, 2100 milliamper/saat tutumlu akkumulyatorla təchiz edilib. “Galaxy Grand Neo” smartfonunun avtonom iş vaxtı danışıq rejimində 11 saat, gözləmə rejimində isə 18 saat təşkil edir.
 
Smartfonun ölçüləri 144×77×9,6 millimetr, çəkisi isə 163 qram təşkil edir. Aparat “Android” mobil əməliyyat sisteminin 4.2 versiyası ilə işləyir.
 
Emil Hüseynov
 

---