AzTU-da elektron kitabxananın formalaşması və qurulmasına dair məsələlər müzakirə olunub

Azərbaycan  Texniki  Universitetinin (AzTU)  Elmi  Şurasının  iclası  keçirilib.
 
Universitetdən verilən məlumata görə, iclasda 2013-cü  ildə  AzTU-da  elmi tədqiqat  işlərinin  yekunları,  elektron  kitabxananın  formalaşması  və  qurulması ilə  bağlı qarşıda  duran  vəzifələrdən  danışılıb. Elmi Şura həmçinin universitetin  inzibati-təsərrüfat  hissəsində  çalışan  baş  mütəxəssislərin  və  texniki  işçilərin  vəzifə  maaşlarının  artırılması  və  universitetdə  yerinə  yetirilən  KOİCA-AzTU “Tədris  İnformasiya  Sisteminin  Yaradılması”  layihəsinin  davamlılığının  təmin  edilməsi  məqsədilə  cəlb  edilmiş  tələbələrə  və  magistrlərə  daxili  imkanlar  hesabına  əlavə  təqaüdlərin  verilməsi  və digər  məsələləri  müzakirə edərək  müvafiq  qərar  qəbul  edib.
 
CAHANGİR

---