Azərbaycan dili üçün nitqin başa düşülməsi sistemi yaradılacaq

“Dilmanc” layihəsinin direktoru Əbülfət Fətullayev layihənin gələcək planlarından danışıb.

Ə.Fətullayev bildirib ki, mövcud istiqamətlər üzrə tərcümə keyfiyyətinin artırılması və yeni istiqamətlərin əlavə edilməsi, həmçinin Azərbaycan dili üçün nitqin başa düşülməsi sisteminin yaradılması üzərində işlər gedir. Bu sistemin ilk versiyası müəyyən mövzularda istifadəçinin şifahi əmrini başa düşərək onun istədiyi işi yerinə yetirəcək.

Qeyd edək ki, layihənin elmi məsləhətçisi Rabitə və informasiya texnologiyaları naziri, akademik Əli Abbasovdur.

CAHANGİR

---