Azərbaycan Milli Elmlər Akademiyasının Elmi İnnovasiyalar Mərkəzi milli innovasiya sisteminin hazırlanması istiqamətində tədbirlər görür

Azərbaycan Milli Elmlər Akademiyasının Elmi İnnovasiyalar Mərkəzi bu il ərzində qabaqcıl texnologiya və innovasiya məlumat bazasının yaradılması və milli innovasiya sisteminin hazırlanması məqsədi ilə aparılan işləri davam etdirmək niyyətindədir.

Mərkəzdən "ICTnews" xəbər xidmətinə verilən məlumata əsasən, "Azərbaycan Respublikasında qabaqcıl texnologiya və innovasiya məlumat bazasının yaradılması və milli innovasiya sisteminin hazırlanması"na dair 2012-2015-ci illər üçün  tədbirlər planına uyğun olaraq elmi tədqiqat institutlarının apardıqları işlər öyrənilir, nazirlik, institut və təşkilatların tələb və təkliflərinə uyğun olaraq sorğular hazırlanır.

Bu sorğulara əsasən xarici bazalardan texnologiyalar yığılır və məlumat bazasında yerləşdirilir.

Aynur Vəliyeva

---