Vətəndaşların həqiqi hərbi xidmətə çağırış sistemi İT-nin köməkliyi ilə təkmilləşdirilir

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin Əsasnaməsinə uyğun olaraq, xidmət tərəfindən mərkəzləşdirilmiş uçot sistemlərinin təşkil edilməsi, o cümlədən hərbi qeydiyyat və hərbi uçot sahəsində vahid elektron informasiya sisteminin yaradılması sahəsində işlər aparılır.

“ICTnews” elektron xəbər xidmətinin məlumatına görə, bu fikri adıçəkilən xidmətin rəisi, general-leytenant Arzu Rəhimov deyib.

“Vahid elektron informasiya sistemi vasitəsilə çağırışaqədər yaş həddində olan vətəndaşların, çağırışçıların və hərbi vəzifəlilərin qeydiyyatı və uçotu aparılacaq. Bu isə vətəndaşların həqiqi hərbi xidmətə çağırış sisteminin təkmilləşdirilməsində mühüm rol oynayacaq”, - deyə A.Rəhimov qeyd edib.

CAHANGİR

---