“ZTE” şirkəti “Grand Memo II” planşetofonunu nümayiş etdirib

Çinin “ZTE” şirkəti “MWC” sərgisində “Grand Memo II” planşetofonunu nümayiş etdirib. Aparatın qalınlığı cəmisi 7,2 mm-dir. Qurğu “Gorilla Glass 3” şüşəsi ilə qorunan 6 düymlük HD ekran, “Snapdragon 400” dördnüvəli prosessoru, 2 QB əməli və 16 QB daxili yaddaşla təchiz edilib.

“ICTnews” elektron xəbər xidməti “tech.onliner.by” saytına istinadən bildirir ki, planşetofon 13 meqapiksellik əsas və 5 meqapiksellik ön kamera, həmçinin 3200 milliamper/saat həcmində akkumulyator və infraqırmızı portla təchiz edilib. LTE şəbəkəsi dəstəklənir. “Android 4.4” proqram platforması quraşdırılıb.

Emil Hüseynov

---