Dünyanın ən nüfuzlu şirkəti hansıdır?

"Fortune" jurnalının top-menecer və başqa ekspertlər arasında keçirdiyi sorğuya əsasən, "Apple" yeddinci dəfə ardıcıl dünyanın ən nüfuzlu şirkəti adlandırılıb.


 

















"ICTnews" elektron xəbər xidməti "gazeta.ru" saytına istinadən bildirir ki, ikinci yerdə "Amazon", üçüncüdə "Google" korporasiyası qərarlaşıb. Sonrakı yerlərdə "Berkshire Hathaway", "Starbucks" və "Coca-Cola" şirkətləri qərarlaşıblar.

İlk onluqda, həmçinin "Walt Disney", "FedEx", "Southwest Airlines" və "General Electric" şirkətləri yer alıblar. Ötən il altıncı yerdə qərarlaşmış "IBM" şirkəti hazırda 16-cıdır.

Sözügedən reytinqdə "Samsung" 21-ci, "Microsoft" 24-cü, "Facebook" isə 38-ci olub.

Emil Hüseynov
 

---