“Aztelekom” ADSL internet istifadəçilərinə xəbərdarlıq edir

Son bir ay ərzində “Aztelekom” İstehsalat Birliyinin sorğu xidmətinə genişzolaqlı ADSL internet istifadəçiləri tərəfindən çoxsaylı şikayətlər daxil olmaqdadır.
 
Müraciətlərə səbəb hakerlər tərəfindən yazılmış mikroproqram vasitəsilə şəbəkəyə qoşulmuş, xüsusilə TP-Link və digər ADSL modemlərin şifri (password) və DNS IP ünvanlarının avtomatik dəyişdirilərək istifadəçilərin internetə çıxışının məhdudlaşdırılmasıdır.
 
“Aztelekom” İB ADSL internet istifadəçilərini xəbərdar edir ki, haker hücumlarının qarşısının alınması və aparat təminatının təhlükəsizliyini təmin etmək məqsədilə ADSL modemlər veb-səhifədə (aztelekom.net)  yerləşdirilmiş videodərslik təlimatına uyğun konfiqurasiya edilməlidir.

CAHANGİR

---