“Ultel” şirkəti statik IP-ünvanların aylıq istifadə tarifini artırır

Azərbaycanın aparıcı internet provayderlərindən biri olan “Ultel” şirkəti aprelin 1-dən etibarən statik IP-ünvanların aylıq istifadə tarifini artırır.

Şirkətdən “ICTnews” xəbər xidmətinə verilən məlumata əsasən, aprelin 1-dən ADSL, Simmetrik internet və Zəmanətli internet xidməti alan istifadəçilər üçün 1 ədəd statik IP-ünvanın aylıq istifadəsinin tarifi 5 manat müəyyən olunub.

Qeyd edək ki, hazırda şirkət statik İP-ünvanların istifadəçilərə verilməsini dayandırıb və onun hazırkı qiyməti 2 manat təşkil edir.

Aynur Vəliyeva      
 
 

---