Dünyanın ən populyar rinqtonu 20 yaşını qeyd edir

20 il bundan əvvəl, 1994-cü ildə, “Nokia” şirkəti “2110” telefonunu təqdim edib. Bu model yalnız ən populyar mobil telefon kimi deyil, həm də “Nokia tune” populyar rinqtonu səslənən birinci telefon kimi tarixə düşüb.
 
“ICTnews” elektron xəbər xidməti “tech.onliner.by” saytına istinadən bildirir ki, Finlandiya şirkətinin audiobrendinə çevrilmiş rinqton 1902-ci ildə ispan bəstəkarı və gitara çalanı Fransisko Tarreq tərəfindən Gran Vals solo-gitarası üçün yazılmış kompozisiyanın bir hissəsidir.
 
 “Nokia” şirkətinin məhz bu musiqi parçasından istifadə etməsi həmin əsərin müəllif hüququna  malik olmaması ilə bağlıdır.

Emil Hüseynov

---