İnformasiya Texnologiyalarının İnkişafı Dövlət Fondunun qrant müsabiqəsində iştirak üçün artıq 40-dək iddiaçı qeydiyyatdan keçib

Azərbaycan Rabitə və Yüksək Texnologiyalar Nazirliyi tabeliyində İnformasiya Texnologiyalarının İnkişafı Dövlət Fondunun onlayn qeydiyyat sistemində artıq bir sıra iddiaçı qeydiyyatdan keçib.
Fondun İcraçı direktorunun müavini Azər Bayramovun "ICTnews" xəbər xidmətinə verdiyi məlumata əsasən, layihələrin qəbulu may ayınadək davam edəcək.

"Aprelin 2-dən bu günədək "www.ictfund.gov.az" saytının "e-qrant" bölməsində 40-dək qrant iddiaçı qeydiyyatdan keçib. Qrant layihələrinin qəbulu mayın 2-də başa çatacaq və bundan sonra onların ekspertlər tərəfindən qiymətləndirilməsi prosesi həyata keçiriləcək",- deyə o bildirib.

Müsabiqənin qalibləri təxminən iyun ayında məlum olacaq. Layihələrə 10 min manatdan 300 min manatadək vəsait ayrılması nəzərdə tutulub.

Müəlliflər üçün VÖİN layihənin qəbul olunduğu təsdiq edildikdən sonra açılacaq ki, müəllif xərclərə və problemlərə məruz qalmasın.

Aynur Vəliyeva