İnformasiya Təhlükəsizliyinin İdarəetmə Sisteminin tətbiqi üzrə təlimlər keçirilir

Azərbaycan Standartlaşdırma və Sertifikatlaşdırma İnstitutu (ASSİ) və Britaniya Standartlar İnstitutunun (BSİ) birgə təşkilatçılığı ilə təlim keçirilib.

Azərbaycan Standartlaşdırma, Metrologiya və Patent üzrə Dövlət Komitəsindən “ICTnews” xəbər xidmətinə verilən məlumata əsasən, təlim, İnformasiya Təhlükəsizliyinin İdarəetmə Sisteminin (İTİS) yeni versiyasının tətbiqi və daxili auditinə həsr olunub. 

İTİS mühüm əhəmiyyət kəsb edən informasiya aktivlərinin qorunması istiqamətində idarəolunan yanaşmadır və bu yanaşma İSO/İEC 27001:2013 “İnformasiya təhlükəsizliyinin idarəetmə sistemləri” beynəlxalq standartın tətbiqi ilə həyata keçirilir.
 
Bu sistem informasiya təhlükəsizliyi üzrə adekvat nəzarətin təmin olunmasında insanların və proseslərin inteqrasiyasını tam əks etdirir. Bu standart ilk dəfə olaraq BSİ tərəfindən 1995-ci ildə  BS 7799 nömrəsi ilə təsdiq olunub.
 
Təlimləri müvəffəqiyyətlə bitirən iştirakçılar İSO/İEC 27001 standartının tətbiqi üzrə daxili auditor biliklərinə yiyələnmələri barədə BSİ rəsmi beynəlxalq sertifikatı ilə təltif olunacaqlar.
 
Aynur Vəliyeva
 

---