“Nokia” şirkətinə yeni baş direktor təyin edilib

"Nokia" şirkətinin yeni baş direktoru Radciv Suri təyin edilib. O, Stiven Elopu əvəz edəcək, sonuncu isə "Microsoft Devices Group" bölməsinin vitse-prezidenti vəzifəsinə keçib.

Bu haqda "BBC News" yazır.

"ICTnews" elektron xəbər xidməti "lookatme.ru" saytına istinadən bildirir ki, Suri 1995-ci ildən "Nokia" şirkətində işləyir. O, mayın 1-dən yeni vəzifəsinin icrasına başlayacaq. Şirkətin keçmiş baş direktoru Stiven Elop, "Nokia"nın smartfonlar üzrə keçmiş vitse-prezidenti Co Xarlou daxil olmaqla top-menecerlərin əvvəlki tərkibi şirkəti tərk edərək "Microsoft Mobile"da işləməyə başlayacaq.

Emil Hüseynov
 

---