İtaliyada beynəlxalq informasiya və telekommunikasiya texnologiyaları sərgisi keçiriləcək

İyunun 4-5-də İtaliyanın Bolonya şəhərindəki “BolognaFiere” sərgi kompleksində “SMAU Bologna-2014” Beynəlxalq informasiya və telekommunikasiya texnologiyaları sərgisi keçiriləcək.

Sərgidə şəbəkə və internet-texnologiyaları, məlumatların toplanması, emalı, saxlanması və analizi, data-mərkəzlər, informasiya təhlükəsizliyi, sistem inteqrasiyası, “bulud” hesablamaları və virtuallaşdırma, mobil və naqilsiz texnologiyalar, video, kommunikasiya xidmətləri sahələri üzrə məhsullar nümayiş etdiriləcək, - “Expomap www.expomap.ru” yazır.