"Azərpoçt" MMC “Caspian Oil&Gas” sərgi iştirakçılarına poçt maliyyə xidməti göstərir

Azərbaycanın milli poçt operatoru “Azərpoçt” MMC neft-qaz hasilatı və emalı, habelə nəqletmə və loqistika, o cümlədən servis xidmətləri sahəsində qabaqcıl texnologiyaları nümayiş etdirmək üçün neft sənayesinin aparıcı mütəxəssislərini və liderlərini bir araya gətirən ənənəvi “Caspian Oil&Gas” sərgi və konfransı iştirakçılarına poçt maliyyə xidmətlərini təqdim edir.
 
“Azərpoçt”dan “ICTnews” xəbər xidmətinə verilən məlumata əsasən, poçt operatoru sözügedən sərgidə sərgi iştirakçılarına səyyar poçt maliyyə xidmətlərini təqdim edir.
 
 Qeyd edək ki, sərgi sahəsinin 70%-dən çox hissəsini dünyaca məşhur şirkətlər tutur və onların arasında “Əsrin Müqaviləsi”nin iştirakçıları, habelə sərgi və konfransın daimi iştirakçıları: Azərbaycan Respublikası Dövlət Neft Şirkəti (ARDNŞ), “BP”, “Statoil”, “Total”, “Halliburton”, “TPAO”, “RWE” və s. var. Bu il sərgidə Böyük Britaniya, Almaniya, İtaliya, Çin, Rusiya, ABŞ və Fransadan 8 milli qrup iştirak edir. 
 
Aynur Vəliyeva
 

---