Rabitə və İnformasiya Texnologiyaları Nazirliyinin elektron xəbər xidməti
Əqli mülkiyyət ofisləri üçün prioritet təşkil edən sahələr müzakirə ediləcək
Bu ayın 16-da Azərbaycanda İqtisadi Əməkdaşlıq Təşkilatının (İƏT) Sənaye Mülkiyyəti Hüquqlarına dair Əlaqələndirmə Komitəsinin 2-ci iclası keçiriləcək. Tədbirdə Azərbaycan, Türkiyə, İran, Əfqanıstan, Qazaxıstan, Tacikistan, Pakistan və İqtisadi Əməkdaşlıq Təşkilatı Katibliyinin nümayəndələri iştirak edəcəklər.
Standartlaşdırma, Metrologiya və Patent üzrə Dövlət Komitəsinin mətbuat xidmətinin yaydığı məlumata görə, iclasda bir sıra məsələlər ətrafında müzakirələr aparılacaq. Burada sənaye mülkiyyəti hüquqlarının son tendensiyalarına baxışların keçirilməsi, üzv ölkələrin əqli mülkiyyət ofisləri üçün prioritet təşkil edən sahələrin və bu sahədə çalışan qurumlar arasında əlaqələndirmə mexanizmləri ətrafında fikir mübadiləsinin aparılacağı gözlənilir.
SEYMUR
10/06/14 Çap et