“Philips” şirkəti səkkiznüvəli planşetofon hazırlayır

“Philips” şirkəti “I928” adlı yeni, kifayət qədər güclü planşetofon nümayiş etdirib. Aparatın əsas üstünlüyü “IPS” matrisə əsaslanan və Full HD təsvir ölçüsünü dəstəkləyən 6 düymlük böyük ekran olmalıdır.
 
“ICTnews" elektron xəbər xidməti “pitbit.ru” saytına istinadən bildirir ki, aparat 1,7 QHs takt tezlikli “MediaTek MT6592H” prosessoru, 2 QB əməli və 16 QB daxili yaddaş, 13 və 5 meqapiksellik kameralar (əsas kamera ikiqat işıq diodu işıqlandırıcısına malikdir), standart simsiz rabitə modulları dəsti, 3000 milliamper/saat tutumlu akkumulyatorla təchiz edilib. Bu halda aparatın qalınlığı 7,9 mm təşkil edir.
 
İki SİM kart dəstəkləyən aparat “Android 4.4” əməliyyat sistemi ilə işləyir və iyulda satışa çıxarılacaq.
 
Emil Hüseynov
 

---