Azərbaycanlı mütəxəssis Londonda “Əhali məskunlaşmasının “ArcGİS” proqram təminatı imkanlarından istifadə edilərək öyrənilməsi” mövzusunda təlimdə iştirak edəcək

Cari ilin iyul ayında Böyük Britaniyanın  London şəhərində  Ətraf Mühit Sistemləri Tədqiqat İnstitutunda (ESRİ) “Əhali məskunlaşmasının “ArcGİS” proqram təminatı imkanlarından istifadə edilərək öyrənilməsi” mövzusunda təlim keçiriləcək.
 
 
Dördgünlük təlimdə AMEA akad. H.Əliyev adına Coğrafiya İnstitutunun doktorantı və kiçik elmi işçisi Rauf Əmənov iştirak edəcək. R.Əmənovun təlimlərdə iştirakına Prezident yanında Elmin İnkişafı Fondu (EİF) dəstək verir.
 
İnstitutun ictimaiyyətlə əlaqələrə məsul əməkdaşı Xanım Rzazadənin sözlərinə görə, doktorant EİF-in 2014-cü ildə keçirilmiş 4-cü “Mobillik qrantı” müsabiqəsinin qalibi olub. Sözügedən təlimlər də həmin layihə çərçivəsində reallaşacaq.
 

HƏQİQƏT
 
 

---