İlk inteqral sxemin prototipi hərraca çıxarılıb

Dünyanın ən böyük “Christie's” hərracında ilk inteqral sxemin prototipini satmaq planlaşdırılır. Qeyd edək ki, ilk inteqral sxem 1958-ci ildə “Texas Instruments” şirkətinin əməkdaşı Cek Kilbi tərəfindən hazırlanıb. O, 2000-ci ildə bu qurğunun hazırlanmasına görə “Nobel” mükafatına layiq görülüb.
 
“ICTnews" elektron xəbər xidməti “itc.ua” saytına istinadən bildirir ki, ilk inteqral sxemin prototipi 1958-ci il iyulun 18-dən sentyabrın 12-si aralığında hazırlanıb. Cek Kilbi öz inteqral sxemində germaniumdan istifadə edib, hərçənd ki, sonralar silisiuma üstünlük verilib.
 
Auksion qarşıdakı həftənin ikinci günü gözlənilir, hərracın gözlənilən qiyməti 1-2 milyon dollar təşkil edir.
 
Emil Hüseynov

---