“Facebook” sosial şəbəkəsi təhlükəsiz iş üçün dərslik təqdim edib

“Facebook” sosial şəbəkəsi təhlükəsizlik üzrə yeni dərslik təqdim edib. “Facebook” nümayəndələrinin sözlərinə görə, yeni dərslik ilk növbədə gənc istifadəçilər, onların valideynləri və təhsil nümayəndələri üçün nəzərdə tutulub.

Dərslikdə “Facebook”da hesab təhlükəsizliyinin təmin edilməsi, haker və virtual dələduzların hücumlarından qorunmaq yolları, təhlükəsizliyin gücləndirilməsi üçün sazlamaların düzgün tətbiqi, eləcə də, kibercinayətkarlar tərəfindən hesab “oğurluğu”nun qarşısını almaq üsulları ilə bağlı texniki biliklərə yer verilib.

---