“Google” anonim bloqqerlərin adlarını bildirməkdən imtina etdiyi üçün cərimələnib

Braziliya məhkəməsi “Google” şirkətini hakimiyyətə “Blogger” platformasındakı onlayn gündəliklərə malik olan 3 bloqqerin adını bildirməkdən imtina etdiyi üçün cərimələyib.

Varzea-Aleqri kiçik şəhərciyinin məhkəməsinin qəbul etdiyi qətnaməyə əsasən, “Google” şirkətinin Braziliya bölməsinin hesabından təxminən 141 min dollar çıxarılmalıdır. Şirkət 3,1 min dolları isə məhkəmənin əvvəlki qətnamələrinə tabe olmamağa görə ödəməlidir.

---