“Instagram” öz foto kolleksiyasını “Facebook”un data mərkəzinə daşıyıb

“Facebook” şirkətinə məxsus “Instagram” foto hostinqi “Amazon Web Services” data mərkəzinin xidmətindən imtina edərək öz nəhəng foto kolleksiyasını “Facebook”un data mərkəzinə daşıyıb. “Instagram” nümayəndələri izah edirlər ki, bu addım dəstək üçün xərcləri xeyli  azaldacaq.
 
“ICTnews" elektron xəbər xidməti “cybersecurity.ru” saytına istinadən bildirir ki, hazırda “Instagram” xidmətində gündəlik təxminən 45 milyon yeni foto dərc olunur. Müqayisə üçün “Facebook” sosial şəbəkəsində bu göstərici gündəlik 300 milyon təşkil edir. Bundan başqa, istifadəçilər təxminən 6 milyard layk edirlər və fotoşəkillərə 200 milyard istinad yaradırlar.
 
Emil Hüseynov
 

---