Kəşflərin yalnız cüzi hissəsi patentləşdirilir
Mövcud patent hüququ sisteminin müdafiəçiləri bildirirlər ki, patentlər ilk növbədə kiçik şirkətlərə və özəl ixtiraçılara öz kəşflərini böyük şirkətlərdən qorumaq üçün lazımdır. Bu belə olsaydı, sahibkarlar patentləri bizneslərini qorumaq üçün daha tez rəsmiləşdirərdilər.
Lakin reallıqda vəziyyət tamamilə başqa cürdür.
Belə ki, bu sahədə müəyyən araşdırmalar aparılıb. Məsələn, 1998-2006-cı illərdə Böyük Britaniyada neçə innovasiya şirkətinin kəşflər və yeni texnologiyalar üçün patentləri rəsmiləşdirməsi ilə bağlı araşdırma aparılıb və məlum olub ki, bunu şirkətlərin cüzi hissəsi edir.
Böyük Britaniyada qeydiyyatdan keçmiş bütün kommersiya şirkətləri arasında patenti onların yalnız 1,6 faizi rəsmiləşdirib.
Təkcə elmi tədqiqat fəaliyyəti ilə məşğul olan şirkətləri nəzərə alsaq belə, patenti rəsmiləşdirənlərin payı 4 faiz təşkil edir.
Hətta patent sayının xüsusilə yüksək ola biləcəyi ən innovativ sahə - yüksək texnologiyalı istehsal sektorunda patentləri sənayedə fəaliyyət göstərən şirkətlərin yalnız 10 faizi rəsmiləşdirib.
Bilavasitə yeni texnologiyaların kəşfi üzərində çalışan elmi tədqiqat şirkətləri və tədqiqat və inkişaf mərkəzləri (R&D) arasında patent sahiblərinin sayı 16 faizi ötmür. Digər qruplar tərəfindən kəşflərin edilmədiyini və bu səbəbdən onların rəsmiləşdirilməməsini demək mümkündürsə, kəşflərin generasiyası ilə məşğul olan "R&D” mərkəzləri haqqında bunu demək qeyri-mümkündür.
Böyük Britaniyada yuxarıda qeyd olunan tədqiqatın müəllifləri oxşar rəqəmlərin qeydə alındığı ABŞ-da aparılan tədqiqatlara istinad edirlər. Onların fikrincə, bu statistika onu sübut edir ki, bəzi şirkətlər patentləşdirilməli olan kəşflərin hamısını avtomatik patentləşdirmir, bəziləri patent sistemini ya xərclərin çox olması, ya da patentin faydasızlığı səbəbindən tamamilə rədd edir, bir sıra innovasiyalarda patentləşdirmə üçün yararsız olan kəşflərdən istifadə edilir.
Elmi iş sübut edir ki, müasir patent sisteminin heç bir əhəmiyyəti yoxdur və əksər şirkətlər üçün faydasızdır, - “Xaker
www.xakep.ru” yazır.