Rabitə və İnformasiya Texnologiyaları Nazirliyinin elektron xəbər xidməti
Yeni versiya “Android” qurğularının 18%-nə quraşdırılıb
Hər ay ABŞ-ın “Google” şirkətinin dərc etdiyi statistikaya əsasən, internet nəhənginin mobil əməliyyat sisteminin müxtəlif versiyalarının populyarlığı məlum olub. İyulun əvvəlinə olan məlumata əsasən, “Android 4.4 KitKat” platforması “Android” ilə işləyən qurğuların təxminən 18%-nə quraşdırılıb.
“ICTnews" elektron xəbər xidməti “dailycomm.ru” saytına istinadən bildirir ki, “Android Jelly Bean” (4.1, 4.2 və 4.3) ən populyar versiya olaraq qalır.
“Android”-elektronikanın təxminən 11.4%-i “Android Ice Cream Sandwich” versiyası ilə işləyir, halbuki 2014-cü ilin əvvəlində bu göstərici 12,3% təşkil edib. “Android Gingerbread” versiyasının bazar payı 14,9%-dən 13,5%-dək azalıb.
“Google” şirkətinin iyunun sonunda nümayiş etdirdiyi yeni “Android 5.0 L” əməliyyat sistemi 2014-cü ilin payızında açıq girişdə yerləşdiriləcək.
Emil Hüseynov
09/07/14 Çap et