Çexiya dövriyyəyə virtual valyuta buraxıb

Bir qrup Çexiya vətəndaşı dünyanın məşhur “Bitcoin” virtual ödəniş vasitəsinin alternativi olan “Czech Crown Coin” (CZC) rəqəmli valyutasını təqdim edib. Çexiyanın milli virtual valyutası yerli internet sahibkarlarını dəstəkləmək məqsədi daşıyır.

“CZC”-in istifadəyə verilməsi üzrə layihənin rəhbəri Ladislav Feytin sözlərinə görə, rəqəmli valyuta nağd ödənişlər və digər beynəlxalq virtual pullara alternativ yaratmaq üçün buraxılıb.

100 milyon virtual “CZC” – ümumi sayın 50 faizi ehtiyatda saxlanacaq, qeydiyyat sistemində yerləşdiriləcək və rəqəmli pulların hərracı üzrə milli birjalarda satılacaq. Qalan pulların ölkə ərazisində dövriyyəyə buraxılması nəzərdə tutulur, - "Internetua www.internetua.com” yazır.