Azərbaycanın prokurorluq orqanlarında İKT-nin tətbiqi daha da genişləndiriləcək

Prokurorluq orqanlarında informasiya-kommunikasiya texnologiyalarının, o cümlədən “Elektron Sənəd Dövriyyəsi” və “Elektron Cinayət” informasiya proqramlarının tam fəaliyyət göstərməsi, bu sahədə həyata keçirilən işin səmərəliliyinin artırılması təmin olunacaq.
 
“ICTnews” elektron xəbər xidmətinin məlumatına görə, Baş Prokurorluqda keçirilən əməliyyat müşavirəsində Baş prokuror Zakir Qaralov bununla bağlı tapşırıq verib.
 
Baş prokurorun hesabat məruzəsində həmçinin görülmüş müsbət işlərlə yanaşı, fəaliyyət istiqamətləri üzrə işin səmərəliliyinə mənfi təsir göstərən hallar ətraflı təhlil və ciddi tənqid olunmaqla, istintaq işi və ibtidai araşdırmaya prosessual rəhbərliyin həyata keçirilməsində, cinayətkar hərəkətlər nəticəsində hüquqi və fiziki şəxslərə vurulmuş zərərin ödənilməsi, vətəndaş müraciətlərinə baxılması və onların qəbulu ilə əlaqədar işin təşkilində yol verilən çatışmazlıqların qısa müddət ərzində aradan qaldırılması üçün konkret tapşırıqlar verilib.
 
CAHANGİR
 
 
 

---