“Wi-Fi” şəbəkəsinə qeyri-adi üsulla müdaxilə olunub

Təhlükəsizlik üzrə mühəndis Cin Bransfild boğazına distant müdaxilə  modullu xalta taxılmış pişiyin köməyi ilə “Wi-Fi” şəbəkəsinə çıxış əldə edib. Bu barədə Bransfildin Las-Veqasda keçirilmiş “Defcon” haker konfransında təqdim etdiyi hesabata istinadən “Engadget” nəşri yazıb.

“ICTnews” elektron xəbər xidməti “lenta.ru” saytına istinadən bildirir ki, mühəndis deyir ki, boğazına haker xaltası taxılmış pişiyi gəzdirərkən o, öz qonşusunun routerinə müdaxilə edib. Beləliklə o, qonşusunun “Wi-Fi” şəbəkəsinə və  hətta kompüterinə giriş əldə edib.

Məlum olub ki,  “WEP” şifrələnmə protokolundan istifadə edən çıxış nöqtələrinə müdaxilə edilib. Bu protokol simsiz şəbəkənin təhlükəsizliyini təmin etmir. Hazırda ekspertlər “Wi-Fi” şəbəkəsinin təhlükəsiz tətbiqi üçün “WPA” və “WPA2” şifrələnməsindən istifadəni tövsiyə edirlər.

Emil Hüseynov
 

---