Televizor bazarında 4K modellərin bazar payı 15 faizə çatır

2014-cü il, avqustun sonunda “Ultra HD” formatlı televizorların dünya bazarına nüfuzetmə səviyyəsi Yaponiya, Çin və ABŞ-da istehsal edilmiş yeni modellər sayəsində 15 faizə çata və ya ötə bilər.
 
“DigiTimes” nəşri yazır ki, Çində 4K televizorlara tələbat artır. Çinlilər ən çox ucuz modellərə maraq göstərirlər. 2014-cü ildə Çində satılmış “UHD” televizorların böyük əksəriyyətində ekranların ölçüsü 49-84 düym olub.
 
“ICTnews” elektron xəbər xidməti “dailycomm.ru” saytına istinadən bildirir ki, bazar müşahidəçilərinin qiymətləndirmələrinə görə, cari ildə dünyada təxminən 14-15 milyon “Ultra HD” TV satılacaq.
 
“Digitimes Research” tədqiqatçılarının proqnozuna görə, 2013-2017-ci illərdə 3840x2160 piksel təsvir ölçülü televizorların tədarükü hər il orta hesabla 160 faiz artacaq və proqnozlaşdırılan dövrün sonunadək 68,2 milyona çatacaq.
 
Emil Hüseynov
 
 
 
 

---