“Entensys” şirkəti öz məhsullarında Azərbaycan dilinin dəstəklənməsini təşkil edəcək
“Entensys” şirkəti bu günlərdə “UserGate Web Filter” məhsulunu qazax dilində lokallaşdırıb. Şirkət yaxın məhsullarını gələcəkdə türk dili qrupuna aid olan digər ölkələrin dilində, o cümlədən Azərbaycan dilində də lokallaşdırmaq niyyətində olduğunu bildirib.
“ICTnews” xəbər xidmətinin “
www.it-top.ru” saytına istinadən verdiyi məlumata əsasən, bu günədək qeyd edilən məhsullar rus, ingilis, alman, fransız və ərəb dillərini dəstəkləyib.
“UserGate Web Filter” dövlət strukturlarında, məktəblərdə, ali təhsil ocaqlarında, ictimai “Wi-Fi” şəbəkələrində və telekommunikasiya şirkətlərində internetin təhlükəsiz istifadəsini təmin edir.
Öz məhsulunu qazax dilində yenicə lokallaşdıran şirkət bildirib ki, gələcəkdə “.kz” və “.аz” seqmentlərinin əhatəsini genişləndirmək niyyətindədir. Hazırda morfoloji lüğətlərin dəstəklənməsi və inkişafı üçün təcrübəli peşəkar linqvistlər cəlb edilir.
Aynur Vəliyeva