Muzdla işləyənlərin 1,8 faizi informasiya və rabitə sahəsində çalışıb

2014-cü ilin yanvar-avqust aylarında ölkə iqtisadiyyatında muzdla çalışan işçilərin orta aylıq nominal əməkhaqqı 440,9 manat olub.

İqtisadiyyatın mədənçıxarma sənayesində, maliyyə və sığorta fəaliyyətində, informasiya və rabitədə, peşə, elmi və texniki fəaliyyət sahəsində, tikintidə orta aylıq nominal əməkhaqqının daha yüksək olduğu müşahidə edilib.  
 
Bu barədə “ICTnews” elektron xəbər xidmətinə Dövlət Statistika Komitəsindən məlumat verilib. Komitədən bildirilib ki,  2014-cü il sentyabrın 1-i vəziyyətinə ölkə iqtisadiyyatında muzdla çalışan işçilərin sayı 1511,4 min nəfər olub, onlardan 892,8 min nəfəri iqtisadiyyatın dövlət bölməsində, 618,6 min nəfəri isə qeyri-dövlət bölməsində fəaliyyət göstərib.
 
Muzdla işləyənlərin 1,8 faizi informasiya və rabitə sahəsində çalışıb.
 
 
SEYMUR
 
 
 
 

---