“Qualcomm” CSR çip istehsalçısını 2,5 milyard dollara satın alacaq

ABŞ-ın “Qualcomm” şirkəti Britaniyanın CSR çip istehsalçısını 2,5 milyard dollara satın almaq haqda razılaşma imzalayıb. Bu haqda şirkətdən bildirilib.

"ICTnews" elektron xəbər xidməti “lenta.ru” saytına istinadən bildirir ki, sazişin şərtlərinə əsasən, “CSR”-in səhmdarları səhm üçün nağd şəkildə doqquz funt-sterlinq alacaqlar.

Şirkətə sahiblənmək hüququna, həmçinin “Qualcomm”un rəqibi – “Microchip Technology” mübarizə aparıb. Bu ilin avqustunda Britaniya şirkəti sazişin qiymətində fikir ayrılığı səbəbindən “Microchip”in təklifindən imtina edib.

CSR – Britaniyanın mikroelektronika hazırlanması üzrə ixtisaslaşmış şirkətidir. Şirkət “Bluetooth”, “GPS”, radio, “Wi-Fi” sahələrində məhsullar istehsal edir.

Emil Hüseynov

---