Cari ilin üçüncü rübündə “Nokia” şirkətinin xalis mənfəəti 750 milyon avro olub

2014-cü ilin üçüncü rübündə Finlandiyanın “Nokia” korporasiyasının xalis mənfəəti ötən ilin müvafiq dövrü (105 milyon avro) ilə müqayisədə xeyli artaraq 750 milyon avro təşkil edib.

"ICTnews" elektron xəbər xidməti “itar-tass.com” saytına istinadən bildirir ki, hesabat dövründə şirkətin gəliri 13% artaraq 3,3 milyard avro təşkil edib. Üçüncü rübdə əməliyyat zərəri 810 milyon avro olub. Qeyd edək ki, bir il 262 milyon avro dəyərində mənfəət qeydə alınıb.

“Nokia” – Finlandiyanın transmilli şirkəti, mobil, səyyar, genişzolaqlı və IP şəbəkələr üçün telekommunikasiya avadanlığı istehsalçısı, “here.com” kartoqrafiya xidmətinin istehsalçısı, köhnə smartfon və mobil telefon istehsalçısıdır.

Emil Hüseynov

---