Dronlar təyyarələr üçün təhlükə yaradır

Son zamanlar robot dronlar böyük populyarlıq əldə edib. Fotoqraflar onların köməyi ilə heyranedici şəkillər çəkir, ancaq belə görünür ki, yeni dəb təyyarə sərnişinlərinin təhlükəsizliyinə təhdiddir.
 
"ICTnews" elektron xəbər xidməti “hitech.vesti.ru” saytına istinadən bildirir ki, ABŞ Federal Mülki Aviasiya İdarəsinin dərc etdiyi hesabatda son 6 ayda robot dronların səbəb olduğu 175-dən çox aviasiya qəzası xatırlanıb. 25 qəza zamanı isə dronlar təyyarə və ya vertolyotla təhlükəli yaxınlıqda olub. Belə qəzalarda pilotlar manevr edərək sərnişinlərin həyatını xilas ediblər.
 
Hazırda sözügedən idarənin üzərində işlədiyi qanun toplusu və təlimatlar robot dronların hava məkanından istifadəsini tənzimləməlidir. Sənədlər üzərində iş bir neçə il çəkə bilər.
 
Emil Hüseynov

---