Azərbaycanda genişzolaqlı çıxış bazarında qiymətlərin mərhələli azalması müşahidə olunur

Ultel rabitə operatoru genişzolaqlı ADSL buraxılış qabiliyyətini və trafiki iki dəfə artırıb. Bu barədə şirkətdən verilən məlumatda deyilir. Yeni tariflər sentyabrın 1-dən qüvvəyə minəcək.

Seçilən tarif planından asılı olaraq, Ultel abonentlərinin qeyri-məhdud yüksəksürətli çıxışa görə xərcləri indi 1,5/1 Mbit/saniyə üçün 15 manatdan 14/1 Mbit/saniyə üçün 250 manatdək təşkil edəcək.

Tarif paketini dəyişmək istəyən istifadəçilər oktyabrın 1-dək şirkətin abonent şöbəsinə müraciət etməlidirlər.

Öz növbəsində, AlfaNet şirkəti sentyabrın 1-dən qeyri-məhdud çıxış paketləri üçün kanalın buraxılış qabiliyyətini artırıb.

Bununla yanaşı, şirkət bütün hostinq-paketlər üzrə disk tutumunu iki dəfə artırıb.

Xidmətlərin haqqını Webmoney, Paypal və Moneybookers ödəniş sistemləri vasitəsilə ödəmək olar.

---