“Aztelekom” “Rabitə və informasiya texnologiyaları” üzrə ilin şirkəti adına layiq görülüb

2014-cü ilin yekunları üzrə “İlin şirkəti” Milli mükafatı laureatlarının adları açıqlanıb. “Aztelekom” İstehsalat Birliyi bu dəfə “Rabitə və informasiya texnologiyaları” üzrə ilin şirkəti adına layiq görülüb.

Birlik bu il əldə etdiyi uğurlara görə təşkilatçılar tərəfindən də belə yüksək qiymətləndirilib. Bu uğuru qazanmaq yüksək idarəetmənin, professional kadrların işə münasibətinin nəticəsidir.

   Qeyd edək ki, ilk milli mükafat olan UĞUR mükafatı Azərbaycanda iqtisadiyyat və biznes sahəsində yüksək nailiyyətlər əldə edən, milli iqtisadiyyatın inkişafına töhfə verən, yeni iş yerlərinin yaradılmasında əhəmiyyətli rolu olan,  bazarda dayanıqlı mövqeyə malik olan şirkət və qurumlara təqdim olunur.

RƏVAN

---